O proxecto social de Clece recibiu o Premio Menina 2017 na Comunidade Valenciana pola súa contribución á loita contra a violencia de xénero. O delegado de Goberno en Valencia, Juan Carlos Moragues, fixo entrega deste recoñecemento ao director rexional de Clece na Comunidade Valenciana, Miguel Ángel Segovia, xunto ao resto dos premiados nesta terceira edición.
Os galardóns son concedidos pola Delegación do Goberno a aquelas institucións, asociacións ou proxectos que destacan na rexión pola súa contribución para lograr unha sociedade máis igualitaria e libre de violencia. «É un recoñecemento ao noso compromiso para concienciar a sociedade na loita contra esta lacra e para fomentar a integración laboral destas mulleres. O emprego é a mellor ferramenta para saír da violencia de xénero, xa que achega valor, independencia económica e capacidade para seguir loitando polo que quere, ter obxectivos, mellorar a autoestima, non renderse e saír adiante», afirmou Miguel Ángel Segovia.
O xurado dos premios estivo composto por expertos na loita contra a violencia de xénero das tres provincias da Comunidade Valenciana. Xunto ao proxecto social de Clece foron premiados estudantes de Enxeñaría Informática da Universidade de Alacante; a capitá da policía xudicial da garda civil de Alacante, Alba Garrido; a letrada Irene Adelantado, coordinadora da Oficina das Vítimas do Delito de Castelló, e a xefa da UFAM, a inspectora de policía nacional Pilar Bojó.