Dende o noso nacemento caracterizámonos por unha forte vocación social. E non só iso, senón que ademais en 2012 decidimos afondar neste compromiso e tomamos o pulso á sociedade para saber que era o que esperaba dunha empresa como Clece. E foi a propia sociedade, coas súas respostas, a que nos mostrou o camiño que debiamos seguir para afianzar o noso proxecto social. Aquel exercicio de escoita activa corroborou o noso compromiso de devolver á sociedade o que a propia sociedade nos confía que fagamos como servidor público.

Dende o noso papel como prestadores de servizos públicos esenciais, sentimos a obriga de responder ás demandas da cidadanía e atender as súas peticións, entre as que destacan a dignificación das persoas traballadoras que prestan servizos da Administración Pública e a igualdade de oportunidades para as que buscan un emprego.

O alicerce fundamental do noso proxecto social é a inclusión laboral de persoas procedentes de colectivos desfavorecidos: mulleres que sofren ou sufriron violencia, persoas con discapacidade e persoas en risco de exclusión social. Porén, este compromiso tradúcese tamén na posta en práctica doutras medidas, entre as que destacan:

• A aprobación do Plan de Igualdade de Clece.
• O noso catálogo de medidas de conciliación e o certificado EFR da Fundación Másfamilia como Empresa Familiarmente Responsable.
• A definición de protocolos contra o acoso laboral e o acoso sexual ou por razón de sexo.
• A configuración de mapas de riscos de vulneración de dereitos humanos en todas as nosas actividades.
• O establecemento de medidas de Prevención de Riscos Laborais (PRL) para garantir a seguridade e saúde no traballo.
• A continua formación e capacitación do persoal mediante programas de desenvolvemento profesional.
• A nosa adhesión á Rede Española do Pacto Mundial, coa que recoñecemos o noso compromiso cos 10 Principios desta iniciativa, que promoven a Responsabilidade Social Empresarial e o desenvolvemento sostible no mundo.